Madridning "Real" klubi sardori Serxio Ramosning mavsum oxirida shartnomasi yakunlanadi. Ispaniya OAVsida u haqda turli xil yangiliklar tarqalmoqda.
El Chiringuito nashrining tarqatgan ma’lumotiga qaraganda, «Real» Ramosga ikki xil shartnoma taklif qilmoqda. Birinchi variantida - futbolchining maoshi hozirgidek qoladi, ammo shartnoma muddati bir yil. Ikkinchi variant esa - shartnoma ikki yillik bo‘ladi, lekin hozirgi maosh 10 foizga qisqaradi.
Serxio Ramos «Real» tarkibida 2005 yildan beri o‘ynab kelmoqda. U «Sevilya» klubidan "Qirollik klubi" safiga ko‘chib o‘tgan va shu kungacha 666 ta uchrashuvda maydonga tushib, 100 ta gol kiritdi va 40 ta golga assistentlik qildi.
