Madridning «Real» klubi La Liga 31-turi doirasida «Xetafe»ga qarshi kechadigan uchrashuv uchun kengaytirilgan tarkibni e’lon qildi.
Zayniddik Zidan qaydnomaga 16 nafar futbolchini kiritdi. Himoyachilar Serxio Ramos, Daniel Karvaxal, Nacho, Ferlan Mendi, yarim himoyachi Lukas Vaskes va hujumchi Eden Azar jarohat tufayli o‘yinda ishtirok etolmaydi. Koronavirus sabab Rafael Varan ham madridliklarga yordam bera olmaydi.
Shuningdek, o‘tgan uchrashuvda qizil kartochka olgan Kazemiro «Xetafe»ga qarshi o‘yinni o‘tkazib yuboradi.
«Xetafe» va «Real» jamoalari o‘rtasidagi bahs Toshkent vaqti bilan 18 apreldan 19 aprelga o‘tar kechasi soat 00:00 da boshlanadi.
«Real»ning qaydnomasi bilan tanishing:
Darvozabonlar: Tibo Kurtua, Andrey Lunin, Diyego Altube;
Himoyachilar: Eder Militao, Marselo, Alvaro Odriosola, Viktor Chust;
Yarim himoyachilar: Toni Kroos, Luka Modrich, Federiko Valverde, Isko;
Hujumchilar: Karim Benzema, Marko Asensio, Vinisius Junior, Mariano Dias, Rodrigo Goes.
Ushbu jamoalar o‘rtasida birinchi davradagi o‘yinda «Real» 2:0 hisobida g‘alaba qozongandi.
