«Manchester Yunayted» «Tottenxem» hujumchisi Xarri Keynga jiddiy qiziqish bildirmoqda.

Tribal Football xabariga ko‘ra, shu hafta "mankunianlar" London klubiga 27 yoshli futbolchining transferi bo‘yicha birinchi taklifni yuborishlari mumkin.

Bitim 90 million funt sterlingni (taxminan 105 million yevro) tashkil qilishi kutilmoqda.

Ma’lumot uchun, «shporlar» tarkibida Keyn 334 ta o‘yin o‘tkazib, 220 ta gol urgan va 46 ta golli pasni amalga oshirgan. Forvardning shartnomasi 2024 yilning yozigacha amal qiladi.