«Chelsi» yarim himoyachisi Kay Havers o‘zining klubdagi ilk mavsumi haqida to‘xtaldi.

"Bu og‘ir va man uchun eng yaxshi bo‘lmagan mavsum bo‘ldi. Lekin, ligaga moslashish uchun oylar kerak bo‘lishini tushundim. Har uch kunda o‘ynash qiyin, Angliyadagi shiddat Germaniyanikidan yuqori ekanligini ta’kidlab o‘tish lozim.

Shunga qaramay, oxirgi ikki yoki uch oy ichida o‘zimni juda ishonchli his qildim. Yaxshi o‘yin ko‘rsatdim, gollar urdim va uzatmalarni amalga oshirdim. Bu aynan men istagan narsa. Ligada «Lester» ustidan qozonilgan g‘alaba biz uchun juda muhim edi. Kelasi mavsum YECHLda qatnashish uchun barchasini qilamiz. «Chelsi»ning har bir a’zosi bunga 100 foiz loyiq.

Bundan ham yaxshi o‘ynay olishimni bilaman va umid qilamanki, kelasi mavsum xuddi shunday bo‘ladi", — dedi Havers.