Пойтахтимиздаги «Ўзбекистон» спорт комплексида шу йилнинг 19-24 март кунлари ўтказиладиган футзал бўйича клублар ўртасида Осиё чемпионати саралаш турнирида иштирокчи клублар номи маълум қилинди.
Улар – «Ардус» (Тошкент, Ўзбекистон), «Ар-Райян» (Қатар), «Ал-Карх» (Ирок), «Налоговик» (Қирғизистон) ва «Ал-Васл» (БАА) футзал клубларидир
Эслатиб ўтамиз, худди шундай саралаш турнирининг иккинчиси Вьетнамда ташкиллаштирилади ва унда Осиё чемпионатининг финал босқичига чиқиш учун Таиланд, Хитой, Индонезия, Мьянма, Австралия, Филиппин ва мезборн давлат клублари кураш олиб боришади.
Шундай қилиб, ҳар бир саралаш зоналаридан энг яхши кўрсаткичларга эришган 2 тадан клуб шу йилнинг 1-7 июль кунлари Кувайтда ўтадиган қитъа чемпионати финал босқичига йўлланмани қўлга киритади.
Қайд этиб ўтиш жойизки, қитъанинг аввалги чемпионати натижаларига кўра Япония, Эрон ва Ливан клублари саралашда иштирок этишмайди. Бу рўйхатга финал босқичига мезбон давлат сифатида Кувайт чемпиони ҳам киритилган. Ушбу 4 клубга саралашдан ўтган тўрт клуб қўшилади ва финал босқичи ташкиллаштирилади.
