«Levante»ga qarshi bahsda «Barselona»ni boshqargan Alfred Shroyder uchrashuvdan so‘ng o‘z fikrini bildirib o‘tdi. Eslatib o‘tamiz, Ronald Kuman diskvalifikasiya tufayli mazkur o‘yinda ishtirok eta olmadi.

«Biz nafaqat bugun yaxshi o‘ynadik, balki avvalgi bahslarda ham yaxshi harakat qilayotgandik. Bugun esa o‘ylagan rejalarimiz ish berdi. Jamoa harakat borasida yaxshi ko‘rsatkich qayd etdi.

Ansu Fatining nimalarga qodirligini yaxshi bilamiz. Bizga uning individual xususiyatlari yetishmayotgan edi. U maydonga qaytganidan xursandman. Ansu o‘yinga yaxshi qo‘shildi, ammo qolgan o‘yinchilarni ham yoddan chiqarmaslik kerak. Ular ham ajoyib o‘yin o‘tkazishdi.

Tez orada Pedri ham qaytadi. Barcha futbolchilar sog‘ayganida "Barsa" kuchli tarkibga ega bo‘ladi. Hozircha esa ixtiyorimizdagi barcha o‘yinchilar o‘z imkoniyatlarini maksimal darajada ko‘rsatishlari uchun harakat qilishimiz kerak», – dedi Shroyder.