Italiyaning «Inter» klubi «Yuventus» qiziqish bildirayotgan «Sassuolo» hujumchisi Janluka Skamakka uchun kurashga qo‘shildi.

Avvalroq, «byankonerlar» rahbariyati 22 yoshli futbolchi bilan qishki tranfer bozorida shartnoma imzolashni xohlashayotgani haqida xabar berilgandi. «Sassuolo» klubi o‘z hujumchisining transferidan 40 million yevro ishlab olishlari kutilayotgandi.

Biroq, «Inter» yozda hujumchi uchun mablag‘ bilan bir qatorda, o‘z futbolchilaridan birini tavsiya qilib, shu tariqa «Yuventus»ni Skamakka uchun kurashdan chiqarib yubormoqchi. Qolaversa, «Sassuolo» ham futbolchini qishda qo‘yib yuborish niyatida emas.