Italiya kubogi chorak finalida Turinning “Yuventus” klubi o‘z maydonida “Sassuolo”ni mag‘lub etdi (2:1). 

“Yuventus” hujumchisi Paulo Dibala 3-daqiqadayoq hisobni ochdi. 24-daqiqada “Sassuolo” futbolchisi Hamed Traore hisobda tenglashtirgan bo‘lsa, ikkinchi taymning 88-daqiqada turinliklar hujumchisi Dushan Vlaxovich "Sassuolo" darvozasiga “keksa sinyora”ning ikkinchi golini urdi. Yakuniy natija 2:1. Turinliklar turnirning yarim finaliga yo‘l oladi.

Italiya kubogining ½ finalida “Yuventus” “Fiorentina” bilan o‘ynaydi.

“Yuventus” – “Sassuolo” — 2:1

“Alyans Stedium”

Gollar: 1:0 – 3 Dibala, 1:1 – 24 Traore, 2:1 – 88, avtogol Ruan.

“Yuventus” – Perin, De Shilyo (Morata, 61), Bonuchchi, de Ligt, Aleks Sandro, Kuadrado, Zakariya (Lokatelli, 61), Artur (Rabyo, 70), Makkenni, Dibala, Vlaxovich (Kayo Jorje, 90).

“Sassuolo” – Pegolo, Ruan, Ayxan (Myuldyur, 46), Ferrari, Kiryakopulos, Lopes (Seyde, 90), Traore (Mateus Enrike, 60), Xarrui (Frattezi, 74), Berardi (Defrel, 59), Skamakka, Raspadori.

Ogohlantirishlar: Traore (58), Mateus Enrike (68).