«Chelsi» bosh murabbiyi Tomas Tuxel Romelu Lukaku haqida fikr bildirdi. U hujumchining so‘nggi vaqtlardagi ahvoli borasida shunday deydi:

«U ko‘plab o‘yinlarda ishtirok etdi. Bizda o‘tmishda Jorjinyo bilan ham xuddi shunday vaziyat ro‘y bergan. U jamoa sardori. Lekin u ham ruhiy toliqqandi. Lukaku ham ruhan charchagan. Shuning uchun u qarorlarimizni qabul qilishi kerak. «Chelsi» tarkibidagi har qanday inson jamoani birinchi o‘ringa qo‘yadi. Shuning uchun bu yerda samimiylik bor».

«Chelsi» ertaga mavsumdagi ikkinchi titul uchun «Liverpul»ga qarshi kurashga kiradi.