UYEFA Bolalar jamg‘armasi Vasiylik kengashi a’zolari va uning raisi Aleksandr Cheferin bugun Ukrainadagi bolalarga, shuningdek, qo‘shni davlatlardagi qochqin bolalarga yordam berish uchun UYEFA jamg‘armasining 2022 yilgi 1 million yevrolik mukofotini topshirdi.
Ushbu mablag‘lar UYEFAga a’zo assosiasiyalar va xayriya tashkilotlarining bolalar huquqlari va farovonligini ta’minlashga qaratilgan tashabbuslarini moliyalashtiradi, aniq ehtiyojlar a’zo assosiasiyalar va mahalliy hamkorlar bilan birgalikda baholanadi. Bundan tashqari, UYEFA Bolalar jamg‘armasi ukrainalik bolalar va qochqinlarga yordam berish uchun 100 000 yevro miqdorida favqulodda yordam jamg‘armasi ajratishga qaror qildi.
Favqulodda jamg‘arma Moldova futbol assosiasiyasiga beriladi, u allaqachon mahalliy gumanitar tashkilotlar bilan mamlakatga kelgan ukrainalik qochqin bolalarga yordam berish uchun hamkorlik qilmoqda. Ushbu mablag‘larning bir qismi Ukrainadagi bolalar shifoxonalarini dori-darmon va jihozlar bilan ta’minlashga ham yo‘naltiriladi.