"Manchester Yunayted" yarim himoyachisi Xuan Mata o‘z klubi bilan o‘ynovchi-murabbiy roli borasida muzokaralar olib bormoqda, deb xabar beradi Daily Star.
Mata bu mavsumda Premyer-ligada "Yunayted" uchun birorta o‘yinda maydonga tushmadi. Klub Mata bilan iyun oyi oxirida tugaydigan shartnomasini yangilamasligi kutilmoqda.
Biroq “Yunayted” 33 yoshli ispaniyalikning “ajoyib tajribasi” va “kiyinish xonasidagi mashhurligini” hisobga olib, Matani jamoada saqlab qolmoqchi.
Ular Mataning o‘yindagi rolini murabbiylik bilan uyg‘unlashtirishni istab, Xuanga o‘ynovchi-murabbiy lavozimini taklif qilmoqchi.
