Superliganing 3-turidan o‘rin olgan “Bunyodkor” – “Lokomotiv” (2:1) uchrashuvidan keyin mehmonlar bosh murabbiyi Denis Korostichenko o‘z fikrlari bilan o‘rtoqlashdi.
- Raqibni g‘alaba bilan tabriklayman va stadionga tashrif buyurgan muxlislarimizga rahmat aytaman! Qiyin o‘yin o‘tkazdik. Negadir o‘z o‘yinimizni ko‘rsata olmadik. Buni yaxshilab tahlil qilamiz. Birinchi bo‘limda gol urishimiz uchun vaziyatlar bo‘lgandi. Biroq foydalana olmadik. Yigitlarga oxirgi daqiqaga qadar harakat qilishgani uchun minnatdorchilik bildiraman. Bugun o‘tkazib yuborgan gollarimizni ko‘rib chiqib, navbatdagi uchrashuvga tayyorgarlik ko‘ramiz.
Himoyada kamchiliklarimiz bor. Mudofaada yaxshi harakat qilmadik. Har ikkala bo‘limda ham buni payqadim. Hozir aniq xulosani aytish qiyin. Yuqorida aytganimdek tahlil qilish lozim. Umuman olganda jamoam o‘ziga o‘xshamadi.
