Antonio Ryudiger yangi shartnoma bo‘yicha qanday maosh olmoqchi ekanligi ma’lum bo‘ldi.

Nikolo Skiraning so‘zlariga ko‘ra, yozda "Chelsi" bilan shartnomasi nihoyasiga yetadigan himoyachi yiliga 12,5 million yevrolik 4 yillik shartnoma hamda 20 million yevrolik shartnoma bonusi olishni istamoqda.

Xabar qilinishicha, futbolchiga "Yuventus", "Real", "PSJ" va "Bavariya" klublari qiziqish bildirmoqda. "Chelsi" ham u bilan yangi shartnoma borasida muzokaralar olib bormoqda.

29 yoshli markaziy himoyachi joriy mavsumda “aristokratlar” safida barcha turnirlarda 45 ta o‘yinda maydonga tushdi va 4 ta gol urdi.