«Manchester Siti»ning sobiq futbolchisi Trevor Sinkler «Everton»ga qarshi o‘yindan keyin «Manchester Yunayted» hujumchisi Krishtianu Ronalduni tanqid qildi.

Sinklerning aytishicha, 37 yoshli portugaliyalikning «qizil iblislar»ning kechagi o‘yinda yaxshi o‘yin ko‘rsatmagan. Trevorning qayd etishicha, Krishtianu uchrashuvni yaxshi boshlagan va «Everton» darvozasiga xavfli zarba bergan, biroq shundan so‘ng portugaliyalik futbolchi maydonda ko‘rinmagan va hech bir harakati bilan esda qolmagan.

Eslatib o‘tamiz, yakunda mankunianliklar kutilmaganda «Everton»ga 0:1 hisobida mag‘lub bo‘lishdi va o‘yindan so‘ng Ronaldu muxlislardan birining telefonini sindirib tashladi.