Turinning «Yuventus» klubi yarim himoyachisi Artur Melo Londonning «Arsenal» klubi qiziqishlari doirasiga tushib qoldi, deb xabar beradi Tuttomercatoweb.
Manbaga ko‘ra, bu transfer yanvar oyidayoq amalga oshishi mumkin edi, biroq kelishuv so‘nggi daqiqada amalga oshmay qolgan. 25 yoshli yarim himoyachiga Massimiliano Allegri ishonch bildirmayapti, shuning uchun Turin klubi rahbariyati Meloni qo‘yib yuborishga tayyor.
Hozirgi mavsumda Artur 28 ta uchrashuvda qatnashib, atigi bitta golli uzatmani amalga oshirdi. Futbolchi 20 million yevroga baholanmoqda.
