«Manchester Siti» himoyachilari Jon Stouns va Kayl Uolkerlar Chempionlar ligasining yarim final dastlabki uchrashuvi doirasida «Real» jamoasiga qarshi bo‘lib o‘tadigan o‘yinni o‘tkazib yuborishlari mumkin.
City Extra nashri xabariga ko‘ra, ikkala futbolchi ham jarohatlari sabab bugun jamoaining mashg‘ulotlarini o‘tkazib yuborishga majbur bo‘lgan. «Manchester Siti» bosh murabbiyi Xosep Gvardiola avvalroq «Real»ga qarshi o‘yinda himoyachilarning ishtiroki so‘roq ostida ekanligini tasdiqlagan edi.
Eslatib o‘tamiz, sariq kartochkalar soni bo‘yicha «Real» bilan o‘yinni «Manchester Siti»ning yana bir himoyachisi - Joau Kanselu ham o‘tkazib yuboradi.
Shu tariqa Gvardiola jamoasi ikkita asosiy himoyachisiz o‘ynashga majbur bo‘ladi.
