Goal nashri o‘z talqiniga ko‘ra 25 aprel kuni «Oltin to‘p» uchun nomzod futbolchilarning yangilangan reytingini e’lon qildi.

O‘tgan hafta reytingning eng yuqori pog‘onasiga ko‘tarilgan Karim Benzema («Real Madrid») hamon ro‘yxatni boshqarib turibdi. «Liverpul» forvardi Muhammad Saloh ikkinchi o‘ringa ko‘tarilgan bo‘lsa, «Bavariya» futbolchisi Robert Levandovski uchinchi pog‘onaga tushdi.

Umuman olganda, joriy haftadagi reytingda "Liverpul" futbolchilarida ko‘tarilish kuzatildi. Masalan, Sadio Mane 5-o‘ringa ko‘tarilib, Luka Modrichni 7-o‘ringa tushirib yubordi (Kevin de Bryuyne 6-pog‘onaga chiqdi). Tiago Alkantara va Luis Dias ilk marta top-20ga kirishdi hamda mos ravishda 15 va 17-pog‘onalarni egallashdi. Natijada «Manchester Yunayted» hujumchisi Krishtianu Ronaldu top-20ni yana tark etdi.

Top-20lik bilan tanishing:

1 (1). Karim Benzema — «Real Madrid»
2 (3). Muhammad Saloh — «Liverpul»
3 (2). Robert Levandovski — «Bavariya»
4 (4). Kilian Mbappe — «PSJ»
5 (6). Sadio Mane — «Liverpul»
6 (7). Kevin de Bryuyne— «Manchester Siti»
7 (5). Luka Modrich — «Real Madrid»
8 (8). Vinisius Junior — «Real Madrid»
9 (9). Fil Foden— «Manchester Siti»
10 (10). Trent Aleksander-Arnold — «Liverpul».
11 (11). Diogo Jota — «Liverpul»
12 (12). Bernardu Silva — «Manchester Siti»
13 (13). Kristofer Nkunku — «Leypsig»
14 (14). Riyod Mahrez — «Manchester Siti»
15 (yangi). Tiago Alkantara — «Liverpul»
16 (16). Tomas Myuller — «Bavariya»
17 (15). Joau Kanselu — «Manchester Siti»
18 (yangi). Luis Dias — «Liverpul»
19 (17). Xarri Keyn — «Tottenxem»
20 (18). Erling Xoland — «Borussiya Dortmund»

Izoh: qavs ichida reytingdagi avvalgi o‘rni berilgan.