Temur Kapadze boshchiligidagi "Olimpik" jamoasining sa’y-harakatlari o‘zining ilk mevasini bera boshladi. Olimpiyachilar bugun Superliganing 6-turi doirasida "Bunyodkor" klubi mehmoni bo‘lib, 5:1 hisobida g‘alaba qozondi.

"Olimpik" uchrashuvni faol boshladi va 9-daqiqada hisobni ochishga muvaffaq bo‘ldi. Abdurauf Bo‘riyev himoyachilarning e’tiborsizligidan unumli foydalandi. 29-daqiqada esa Jiyanov chap qanotdan yerlatib zarba yo‘llab, farqni 2taga oshirdi. Oradan ko‘p o‘tmasdan o‘ng qanotdan uyushtirilgan hujumni Alisher Odilovdan samarali yakunladi va hisobni yirik ko‘rinishga keltirib qo‘ydi. Oradan 3 daqiqa o‘tib "Bunyodkor" ilk to‘pini kiritdi. Gol muallifi — Ibrohim Tomiva.

Ikkinchi bo‘limda esa "qaldirg‘ochlar" vaziyatni o‘zgartirishga urinishdi, ammo bugun "Olimpik"ni to‘xtatib bo‘lmasdi. Kapadze shogirdlari o‘yin oxiriga qadar raqib darvozasi tomon yana 2 marta yo‘l topishdi va hisobni 5:1 ko‘rinishga keltirishdi.

Shu tariqa, "Olimpik" mavsumdagi ilk g‘alabasini qo‘lga kiritdi va o‘z ochkolarini 6taga yetkazdi. "Qaldirg‘ochlar" hisobida 10 ochko mavjud.

Superliga, 6-tur
"BUNYODKOR" - "OLIMPIK" - 1:5 (1:3)
Gollar: Abdurauf Bo‘riyev, 9 - 0:1. Ruslanbek Jiyanov, 29 - 0:2. Alisher Odilov, 37 - 0:3. Ibrohim Tomiva, 40 - 1:3. Davron Anvarov, 73 - 1:4. Po‘latxo‘ja Xoldorxonov, 90+2 - 1:5
“BUNYODKOR”: 32. Suhrob Sultonov, 4. Davron Ergashev (sardor), 5. Dilshod Jo‘rayev, 6. Avazbek O‘lmasaliyev, 8. Fransis Narx, 22. Usmonali Ismonaliyev, 33. Umarali Rahmonaliyev, 34. Suhrob Izzatov, 49. Ibrohim Tomiva, 88. Jahongir O‘rozov
“OLIMPIK”: 12. Vladimir Nazarov, 2. Saidazamat Mirsaidov, 4. Eldorbek Begimov, 5. Muhammadqodir Hamraliyev, 7. Ruslanbek Jiyanov, 10. Farruxbek Muxtorov, 11. Otabek Jo‘raqo‘ziyev, 21. Muhammadaziz Ibrohimov, 23. Abdurauf Bo‘riyev, 37. Alisher Odilov, 44. Shahzod Toirov