"PSJ" yozda "Liverpul" safida yetarli o‘yin amaliyotiga ega bo‘lmagan yarim himoyachisi Nabi Keytani sotib olishi mumkin. Imedias nashri xabariga ko‘ra, fransuz klubi yarim himoyachi uchun 50 million yevro to‘lashga tayyor.
Qayd etilishicha, Keyta yozda "Park de Prens"ni tark etishi mumkin bo‘lgan yarim himoyachi Jorjinyo Veynaldumga o‘rinbosar bo‘lishi mumkin. Parij klubi rahbariyati o‘tgan yozda faqat "Liverpul"dan erkin agent sifatida o‘tgan gollandiyalik futbolchining o‘yinlaridan norozi.
Keyta o‘tgan mavsumda "Liverpul" safida APLda 3 ta gol urdi va bitta golli uzatmani amalga oshirdi. Gvineyalik futbolchi klubga 2018 yilning yozida "RB Leypsig"dan ko‘chib o‘tgandi.