“Renn” klubi yetakchi himoyachisi Naif Ager bilan 40 million yevrodan kam bo‘lmagan mablag‘ evaziga xayrlashadi, deb xabar beradi Get Football French News.

Oldinroq marokashlik markaziy himoyachiga "Vest Xem" qiziqish bildirayotgani haqida xabarlar tarqalgan edi. Qayd etilishicha, 26 yoshli himoyachining transferi bo‘yicha muzokaralar yuqori bosqichda va futbolchi ingliz klubiga o‘tishi yaqin orada yakuniga yetishi mumkin.

Naif o‘tgan mavsumda Fransiya chempionatining eng yaxshi himoyachilaridan biri bo‘ldi. U 2020 yilda "Dijon"dan 4 million yevro evaziga transfer qilingan. U “Renn” safida 80 ta o‘yin o‘tkazdi.

Marokashlik himoyachi o‘tgan mavsumda barcha musobaqalarda 40 ta o‘yinda maydonga tushib, 4 ta gol va 3 ta golli uzatmani amalga oshirdi. Transfermarkt Agerni 12 million yevroga baholamoqda.