Xorvatiya Millatlar ligasi guruh bosqichi 2-turidan o‘rin olgan uchrashuvda Fransiyaga qarshi uchrashuvda maydonga tushdi. Bahs 1:1 hisobida yakunlandi.
Bu Xorvatiya terma jamoasi sardori va yarim himoyachisi Luka Modrich uchun milliy jamoa safidagi 150-o‘yin bo‘ldi.
36 yoshli yarim himoyachi o‘tkazilgan o‘yinlar soni bo‘yicha o‘z terma jamoasi uchun rekordchi hisoblanadi.
Ro‘yxatning ikkinchi o‘rnida sobiq himoyachi Dario Srna (134 ta o‘yin) bor. Uchinchi - darvozabon Stipe Pletikosa (114 ta o‘yin).
Modrich milliy terma jamoadagi debyutini 2006 yilda o‘tkazgan va o‘shandan beri 21 ta gol urgan.
Xorvatiya terma jamoasi tarkibida u 2018 yilda jahon vise-chempioniga aylandi.
