Yaqin-yaqingacha ham futbolimizda illatlar ko‘proq edi. Jamoalar o‘z uylarida 3 ochkodan olish masalasini oldindan kelishadigan odat bo‘lardi. Bugungi duranglar, ur-yiqitlar, asabbuzarliklar ko‘paygani — raqobat oshayotganidan dalolat. Bugun hamma narsani hakamlar hal qilmayapti, jiddiy yoki qasddan qilingan xatolar futbol cho‘kib ketgan davrdagidan keskin kamaygan. Hakamlar o‘n yilliklar davomida qurib olgan va klublarni shunga majbur qilgan tizim yaxshigina parchalangan.   

Bir vaqtlar "Paxtakor" — "Neftchi" to‘qnashuvlari klassik sanalgan, vaqt o‘tib "Paxtakor" — "Bunyodkor" shunday ahamiyat kasb etdi. Bugunga kelib esa markaziy o‘yinlar soni ko‘proq. IMHO.

Paxtakor — Navbahor
Paxtakor — Nasaf

AGMK — Nasaf
AGMK — So‘g‘diyona
AGMK — Metallurg

Nasaf — Navbahor
Nasaf — So‘g‘diyona
Nasaf — Bunyodkor

Ayniqsa, mana shu to‘qnashuvlar so‘nggi yillarda alohida ahamiyatlidek. "Surxon" o‘ziga kelib olsa, "Neftchi" avvalgi mavqeiga qaytsa, "Turon", "Andijon" kabi xususiylar oyoqqa tursa, "Qo‘qon-1912" qiyinchilikdan chiqib ketsa, taranglik yanada ortishi mumkin.

Kamchiliklar ham, muammolar ham, eskilik sarqiti bo‘lgan g‘irromchilar-u sportga yopishib olgan kanalar ham talaygina. Shuning uchun ham yanada kuchliroq bo‘lish, yanada ko‘proq mehnat qilish shart hammamizga.

Diyor Imomxo‘jayev.