Madridning "Real" klubi o‘z yarim himoyachisi Marko Asensio bilan 30-35 million yevro evaziga xayrlashishga tayyor.

Bu haqda Goal.com nashri xabar berdi.

Manbaga ko‘ra, Asensioga Italiyaning “Milan” va Angliyaning “Liverpul” klublari da’vogarlik qilmoqda. "Real" Asensioning keyingi mavsumdan maoshini oshirishni talab qilganidan so‘ng uni sotishga qaror qildi.

O‘tgan mavsumda 26 yoshli Marko "Qirollik klubi" safida 42 ta o‘yinda maydonga tushib, 12 ta gol urdi va 2 ta golli uzatmani amalga oshirdi.