“Monako”ning fransiyalik darvozaboni Benjamen Lekomte faoliyatini Ispaniya chempionati klublaridan birida davom ettiradi.

31 yoshli fransiyalik futbolchi rasman ijara asosida "Espanyol"ga o‘tdi. Ispaniya klubi matbuot xizmati xabariga ko‘ra, Lekomtening shartnomasi bir mavsumga mo‘ljallangan, ammo "Espanyol"da uni sotib olish imkoniyati yshq.

Eslatib o‘tamiz, o‘tgan mavsumda darvozabon Madridning “Atletiko” klubida ijara asosida o‘ynagan, biroq bir marta ham La Ligada maydonga tushmagan.

20/21 mavsumda Benjamin Lekomte "Monako" tarkibida Fransiya chempionatida 28 ta o‘yin o‘tkazgan va shulardan 12 tasida o‘z darvozasi dahlsizligini saqlab qolgan.