"PSJ" himoyachisi Abdu Diallo "Leypsig" jamoasi futbolchisiga aylandi. Nemis klubi matbuot xizmati tarqatgan xabarga qaraganda, Abdu Diallo bilan 2023 yilning yoziga qadar ijara shartnomasi tuzildi.
Qayd etilishicha, mavsum yakunida “Leypsig” futbolchini 25 million yevroga sotib olish huquqiga ega bo‘ladi. Avvalroq, himoyachiga "PSJ"ning yangi bosh murabbiyi Kristof Galtyening rejalariga kiritilmagani haqida xabar tarqalgandi.
Diallo o‘tgan mavsumda parijliklar safida 12 ta o‘yinda maydonga tushib, 1 ta golga assistentlik qilgan.
