Unai Emeri "Aston Villa"ga o‘tganidan keyin "Vilyarreal" bilan xayrlashdi.
"Vilyarreal" so‘nggi 2,5 yil davomida mening uyim bo‘ldi. Loyihani yaratishda shaxsan men ishtirok etganman. Bizga ishonch bag‘ishlagan futbolchilar va muxlislarga rahmat", - dedi ispaniyalik mutaxassis sobiq klubi matbuot xizmatiga. Shuningdek, murabbiy bunday xayrlashuv har doim qiyinligini ta’kidladi.
Eslatib o‘tamiz, Unai Emeri Stiven Jerrard iste’foga chiqarilganidan keyin "Aston Villa"ni qabul qilib oldi va Angliya Premyer-ligasiga qaytishga qaror qildi. “Vilyarreal” bosh murabbiyi sifatida Emeri 2021 yilda Yevropa ligasida g‘olib chiqdi va o‘tgan mavsumda Chempionlar ligasining yarim finaliga chiqdi.
