"Manchester Yunayted" hujumchi Markus Reshford bilan shartnomani uzaytirmoqchi. Jurnalist Fabrisio Romanoning xabar berishicha, ingliz klubi futbolchi uchun yangi uzoq muddatli shartnoma tayyorlamoqda.
25 yoshli Reshford joriy mavsumda APLda 12 ta o‘yinda maydonga tushib, 4 ta gol urdi va 2 ta golli uzatmani amalga oshirdi.
Joriy mavsumda hujumchi “Manchester Yunayted” safidagi 100-golini urdi va buncha golni urgan 22-futbolchiga aylandi.
Reshfordning "Manchester Yunayted" bilan amaldagi shartnomasi 2023 yilning yoziga qadar mo‘ljallangan.
