"Bavariya" hujumchisi Tomas Myuller bu yil jamoada o‘ynamaydi. Bu haqda jamoa ustozi Yulian Nagelsmann jurnalistlarga bergan intervyusida ma’lum qildi.
"Biz tavakkal qilmaymiz" - dedi mutaxassis matbuot anjumanida.
Nagelsmann Myullerga 2022 yilgi Jahon chempionati oldidan mushak jarohatidan to‘liq tiklanishi uchun vaqt berdi.
Bu yil “Bavariya”ning ikkita uchrashuvi bor – “Verder” va “Shalke”ga qarshi.
Jahon chempionati 20 noyabrdan 18 dekabrga qadar Qatarda bo‘lib o‘tadi. Germaniya terma jamoasi YE guruhida Yaponiya, Ispaniya va Kosta-Rika terma jamoalariga qarshi bahs olib boradi.
