"Inter" rahbariyati germaniyalik futbolchi Robin Gosensni ko‘rsatayotgan o‘yinidan norozi. Inter News nashri xabariga ko‘ra, "neradzurrilar" yaqinlashib kelayotgan transfer oynasida futbolchidan qutulishga qaror qilishgan.

Gosensga o‘z vatanidan juda ko‘plab takliflar tushmoqda. Himoyachi xizmatlariga Germaniya chempionatining beshta vakili qiziqish bildirmoqda: “Ayntraxt”, "Borussiya" (Myonxengladbax), "Volfsburg", "Bayer" va "Borussiya" (Dortmund).

28 yoshli futbolchi joriy mavsum A Seriyada 11 ta o‘yinda maydonga tushib, 1 ta gol urdi. Uning transfer narxi 22 million yevro.