2022 yil – Xoakin Messi
Ha, bu uning haqiqiy ismi. 19 yoshli argentinalik futbolchi shunday deb nomlanadi. U Lionel Messining sobiq klubi "Old Boyz"ning yoshlar jamoasida harakat qiladi. Xoakin u yerda 10 raqamni olgan. Uning aytishicha, agarda Messi bir kuni o‘z jamoasiga qaytgudek bo‘lsa, unga 10 raqamni qaytarib beradi. Yangi Messi hozircha asosiy jamoada debyut qilmadi. Ammo uning kelajagi yorqin bo‘lishi kutilmoqda.
2021 yil – Ansu Fati
Fati "La Masiya"dan chiqqan. U ilk bor "Barselona" safida 2019-2020 yilgi mavsumda harakat qilgandi. O‘shanda yosh hujumchi 33 ta bahsda 8 ta gol urgan. Keyingi yili esa u uchun katta o‘sish davri bo‘ldi. Fati Ispaniya terma jamoasiga chaqirildi. U "Barsa"da Messining raqamini oldi. Ayni damda Xavi Fati bilan yangi davr boshlashga harakat qilmoqda.
2020 yil – Dario Sarmyento
Sarmyento Messining vatanida tavallud topgan. U 16 yoshida "Estudiantes" klubida debyut qiladi. Darioning dribbling qobiliyati ko‘pchilik uchun hayratlanarli holat edi. Sarmyento 2021-22 yilgi mavsumni "Jirona"da ijara asosida o‘tkazdi. Undan oldin esa "Manchester Siti" tomonidan sotib olingandi. Ayni damda esa "yosh Messi"ning joyi Urugvayning "Montevideo Siti" klubida.
2019 yil – Tyago Almada
Almada 2019 yilda "Manchester Siti" ustozi Pep Gvardiolaning nazariga tushadi. Chunki uning o‘yinlar o‘ta yorqin edi. Argentinalik hujumchi "Atalanta Yunayted" tarkibiga qo‘shib olinadi. U bu orqali MLS tarixidagi eng qimmat futbolchiga aylandi. Almada o‘zining birinchi mavsumida 7 o‘yinda 2 ta gol urishga erishgan.
2018 yil – Pyetro Pellegri
2017 yilning may oyida "Jenoa"ning 16 yoshli futbolchisi XXI asrda tug‘ilib, A seriyada gol urgan ilk futbolchiga aylanadi. Uning ismi Pellegri edi. O‘shanda "Jenoa" rahbari "bizda endi yangi Messi bor" degandi. 2018 yilda italiyalik talant "Monako"ga transfer qilinadi. 25 million funtga sotilganiga qaramasdan, Pellegrining Fransiyadagi ishlari jarohat sabab yurishmadi. Bir muddat "Milan"da to‘p surgan hujumchi, ayni damda "Torino" safida harakat qilmoqda.
ISMATOV J.
