"Liverpul" hujumchisi Diogo Jota yozda klubini o‘zgartirish niyatida emas. Insayder Nil Jonsning ma’lumotlariga ko‘ra, portugaliyalik futbolchining ketishi haqidagi mish-mishlar haqiqatga to‘g‘ri kelmaydi.
Jota jiddiy jarohat tufayli bir necha oyni o‘tkazib yubordi. Biroq klub portugaliyalik futbolchi bilan xayrlashishga shoshilmayapti. Bosh murabbiy Yurgen Klopp Diogoni yaqin yillardagi loyihasining muhim qismi sifatida ko‘rmoqda.
Eslatib o‘tamiz, Jota "Liverpul"da 2020 yilning yozidan buyon o‘ynamoqda. O‘shandan beri portugaliyalik hujumchi jamoa bilan uchta sovrinni qo‘lga kiritdi - Angliya Superkubogi, Liga kubogi va Angliya kubogi.
Angliya Premyer-ligasining joriy mavsumida Diogo ikkita gol urdi.
