Angliya chempionatining yigirma yettinchi turidan o‘rin olgan uchrashuvda “Manchester Siti” mehmonda “Kristal Pelas”ni mag‘lub etishga muvaffaq bo‘ldi, yagona gol penaltidan hujumchi Erling Xoland tomonidan kiritildi.
Norvegiyalik futbolchi o‘yindan so‘ng jurnalistlar bilan suhbatlashdi, penaltini qanday amalga oshirganligi, qolaversa, qo‘ldan boy berilgan imkoniyatlar haqida gapirdi.
- Imkoniyatlarni boy berishni yoqtirmayman. Bu ikkinchi bo‘limda ko‘p marta sodir bo‘ldi. Penaltilar tepsam, chuqur nafas olishga harakat qilaman. Bu safar ham shunday bo‘ldi", - deya Xolanddan iqtibos keltirgan BBC Sport.
Eslatib o‘tamiz, norvegiyalik futbolchi o‘tgan yili "Manchester Siti"ga ko‘chib o‘tgandi, avval u Dortmundning "Borussiya"sida o‘ynagan.
