"Barselona" hali ham "Manchester Siti" yarim himoyachisi Ilkay Gyundogandan javob kutmoqda.

Ijtimoiy tarmoqlarda insayder Sergi Solening yozishicha, nemis futbolchisi hozirda bor e’tiborini "Manchester Siti"dagi barcha sovrinlar uchun kurashga qaratgan. "Shaharliklar" Premyer-liga, Chempionlar ligasi va Angliya kubogida g‘alaba qozonish imkoniyatlarini saqlab qolishdi. Agar Xosep Gvardiola jamoasi tez orada Chempionlar ligasi finaliga chiqsa, bu Gyundyuganning qarorini uzoqroq muddatga kechiktiradi.

Eslatib o‘tamiz, avvalroq Ilkay "Barselona"ga o‘tishga qarshi emasligi, biroq ayni paytda "Manchester Siti"da qolishni o‘ylayotgani haqida xabar berilgandi.