Poytaxtimizdagi jahon chempionatining chorak finalida to‘rtinchi bokschimiz o‘z jangini o‘tkazdi. -71 kg vazn toifasidagi vakilimiz Saidjamshid Ja’farov rossiyalik Igor Sviridchenkovga qarshi jang olib bordi.

Vatandoshimiz qo‘llarining uzunligidan unumli foydalana oldi. Rus bokschisi esa masofani qisqartirib, zarabalar seriyasini amalga oshirishga harakat qildi. Ammo Saidjamshidga bunga imkon bermadi va raqibiga ketma-ket kuchli zarbalar berdi. Ayniqsa, ikkinchi raundda Sviridchenkov juda ko‘p zarbalar o‘tkazib yuborishi natijasida uning shashti ancha tushib qoldi. Ja’farov so‘nggi raundni nisbatan xotirjamroq o‘tkazib, jangni o‘z foydasiga hal etdi — 5:0 (30:27, 30:27, 30:27, 30:27, 29:28).

Shu tariqa, Ruslan Abdullayev turnirdagi to‘rtinchi jangida g‘alaba qozonib (ulardan birida raqib ringga chiqmagandi), musobaqa yarim finaliga chiqdi.

Bugun yana 7 nafar hamyurtimiz ringga ko‘tariladi:

-92 kg Lazizbek Mullojonov - Sezar La Kruz (Kuba) (A ring, 16:25 dan so‘ng)

-54 kg: Oybek Jo‘rayev - Gabriel Eskobar (Ispaniya) (B ring, 18:40 dan so‘ng)

-60 kg: Mujibillo Tursunov - Vsevolod Shumkov (Rossiya) (B ring, 18:55 dan so‘ng)

-67 kg: Asadxo‘ja Mo‘ydinxo‘jayev - Roniel Iglesias (Kuba) (B ring, 19:25 dan so‘ng)

-75 kg: A’loxon Abdullayev - Filip Akilov (Vengriya), (B ring, 19:55 dan so‘ng)

-86 kg: Shohjahon Abdullayev - Alfonso Domingez (Ozarbayjon) (A ring, 20:25 dan so‘ng)

+92 kg: Bahodir Jalolov - Qamshibek Qo‘nqabayev (Qozog‘iston) (B ring, 21:10 dan so‘ng).