«Tottenxem» jamoasiga yangi bosh murabbiy qidirmoqda.
Telegraph Sport xabariga ko‘ra, londonliklar yaqinda o‘z klubini chempionlikka olib chiqqan «Feyenoord» bosh murabbiyi Arne Slotga qiziqishni kuchaytirgan.
Manbaga ko‘ra, «Feyenoord» Arne Slot bilan yangi shartnoma imzolamoqchi. Shu bilan birga, «Tottenxem» 44 yoshli mutaxassis bilan yangi ish bo‘yicha muzokaralar olib bormoqchi.
Qayd etilishicha, «Tottenxem» Luis Enrike bilan shartnoma tuzmoqchi bo‘lgan, biroq «Barselona»ning sobiq bosh murabbiyi bilan muzokaralarda hech qanday muvaffaqiyat bo‘lmagan.
Eslatib o‘tamiz, mart oyi oxirida «Tottenxem» Antonio Konte bilan xayrlashgan edi.
