"Chelsi" hujumchisi Kay Xavers jamoasi 21-asrdagi eng yomon natijani qayd etganiga qaramay, kelajakka optimistik qaraydi.
Eslatib o‘tamiz, “aristokratlar” chempionatda bu mavsumni o‘n ikkinchi pog‘onada yakunladi.
“Buni hech birimiz xohlamagan edik. Biz jamoa bo‘lib rivojlanyapmiz, shuning uchun keyingi mavsumda albatta kuchliroq bo‘lib qaytamiz.
Mavsum davomida qo‘llab-quvvatlaganingiz uchun tashakkur”, dedi Xavers “Chelsi” muxlislariga ijtimoiy tarmoq orqali.
Eslatib o‘tamiz, Kay joriy mavsumda Angliya premyer-ligasida yettita gol urdi va bitta golli uzatmani amalga oshirdi.
