“Roma” bosh murabbiyi Joze Mourinyo jamoasining Yevropa ligasi finalida “Sevilya”dan uchralgan mag‘lubiyati haqida fikr bildirdi.
Rimliklar penaltilar seriyasida 1:4 hisobida imkoniyatni boy berishdi. Har ikki jamoa asosiy va qo‘shimcha vaqtda bir martadan gol urishdi.
"Men yo kubok bilan qaytamiz yoki o‘lamiz, dedim. Ko‘plab bahsli voqealar tufayli bu mag‘lubiyatni adolatsiz deb hisoblaymiz.
Biz faxrlanamiz. Men yevrokuboklarning beshta finalida g‘alaba qozondim, bugun mag‘lub bo‘ldim, lekin bu safar uyga har qachongidan ham faxrlanib qaytdim.
Bu keskin o‘yin bo‘ldi, ammo hakam menga ispaniyalikdek tuyuldi - u bizga doimiy ravishda sariq kartochkalar ko‘rsatdi, lekin ikkinchi ogohlantirishga loyiq bo‘lgan Lamelani maydondan chetlatmadi", - dedi Mourinyo Sky Sport nashriga bergan intervyusida.
