Londonning “Chelsi” jamoasi katta maosh to‘layotgan uch futbolchisidan qutulmoqchi. Gap vingerlar Kristian Pulishich va Hakim Ziyesh, shuningdek, darvozabon Kepa Arrisabalaga haqida ketmoqda.
Ro‘yxatdagi barcha futbolchilar yiliga jami 24 million yevrodan ortiq maosh oladi, bu esa rahbariyatga to‘g‘ri kelmaydi. Ziyesh va Pulishich bu mavsumda jamoani tark etishlari mumkin, ammo Kepaga xaridor topish qiyin bo‘ladi.
Eslatib o‘tamiz, "Chelsi" o‘tgan mavsumni Angliya Premyer-ligasida o‘n ikkinchi o‘rinda yakunlagandi.
