"Chelsi" hujumkor yarim himoyachisi Xakim Ziyesh Saudiya Arabistoniga o‘tishga qiziqmoqda.

Yaqinda xabar qilinganidek, "Chelsi"ning rejalarida yo‘q 30 yoshli marokashlik futbolchini "An-Nasr" o‘z safiga qo‘shib olmoqchi. Jurnalist Santi Auna xabariga ko‘ra, Ziyeshning o‘zi Saudiya klubiga o‘tishga tayyor. Riyodliklar allaqachon futbolchi bilan bog‘lanib, unga qulay shartnoma shartlarini taklif qilgan.

Ziyesh so‘nggi mavsumda "Chelsi" safida 24 ta o‘yinda maydonga tushib, 3 ta golli uzatmani amalga oshirgan. Transfermarkt ekspertlari "ko‘klarning" hujumkor yarim himoyachisining narxini 18 million yevroga baholamoqda.