21 yoshli yarim himoyachi Skelli Alvero "Sosho"ni tark etdi va "Olimpik Lion" bilan shartnoma imzoladi. Shartnoma 2028 yilning iyunigacha amal qiladi.
"Lion" futbolchi uchun 4 million yevro to‘laydi, yana bir millionni "Sosho" bonus ko‘rinishida olishi mumkin.
"Lion" - ambisiyali klub va umid qilamanki, men ularni iloji boricha yuqori darajaga olib chiqa olaman. Mening o‘ziga xos profilim bor, men juda ko‘p qirraliman va maydonda ko‘p narsaga qodirman", - deya Alveroning so‘zlarini keltiradi klub matbuot xizmati.