Saudiyaning "Al-Ahli" klubi ispaniyalik yarim himoyachi Gabriel Veygaga taklif qilgan shartnoma tafsilotlari ma’lum bo‘ldi.
Insayder Nikolo Skiraning so‘zlariga ko‘ra, klub 21 yoshli futbolchining transferi uchun uning shartnomasida tovon puli sifatida ko‘rsatilgan 40 million yevroni to‘laydi. Futbolchining o‘ziga 12,5 million yevro maosh bilan shartnoma taklif qilinadi. Bu Italiyaning “Napoli” klubi unga taklif qilganidan 5,7 barobar ko‘p.
Gabriel "Selta" safida barcha musobaqalarda 56 ta o‘yinda maydonga tushib, 11 ta gol va 4 ta golli uzatmaga mualliflik qilgan.
