Xabaringiz bor, "Navbahor" ertaga Osiyo Chempionlar Ligasi (OCHL) guruh bosqichi doirasidagi bahslarni boshlaydi va ilk o‘yinni safarda Saudiya Arabistonining “Al-Hilol” klubiga qarshi o‘tkazadi.
"Mazkur uchrashuvga qiziqish yuqoriligi, qolaversa, namanganlik muxlislarning talab hamda istaklariga binoan, Namangan viloyati hokimi, viloyat futbol assosiasiyasi prezidenti Shavkat Shokirjanovich Abdurazzoqov, shuningdek, klub rahbariyati tashabbusi bilan “Navbahor” uy uchrashuvlarini o‘tkazadigan “Markaziy” stadionidagi katta monitorda “Al-Hilol” – “Navbahor” o‘yinini jonli efirda namoyish etish rejalashtirilmoqda va bu borada ishlar olib borilmoqda.
Sevimli jamoamizni masofadan qo‘llab-quvvatlashga ahd qilgan muxlislarni ertaga “Markaziy” stadioniga taklif etamiz", - deyiladi klub bayonotida.
Eslatib o‘tamiz, “Al-Hilol” – “Navbahor” bahsi ertaga Toshkent vaqti bilan soat 23:00 da start oladi.