«Shaxtyor» bosh direktori lavozimini egallab turgan Sergey Palkin FIFA haqida tanqidiy fikr bildirdi.
«FIFA xorijlik futbolchilarga shartnomalarini buzish va boshqa klublarga tekinga o‘tishga ruxsat berayotgan bir pallada Ukraina futbolini yo‘q qilmoqda.
Xorij yulduzlari bizni istalgan vaqtda tark etishi mumkin edi, daromadimiz yo‘qoldi. Hozircha bu borada FIFA bilan maslahatlashuvlar bo‘lmagan. Bizni shunchaki futbol oilasidan haydab chiqarishdi», - deya Palkinning so‘zlarini keltirdi Bild.
«Shaxtyor» shu hafta Chempionlar ligasi guruh bosqichidagi o‘yinini o‘tkazdi. Birinchi turda Ukraina jamoasi «Portu»ga 1:3 hisobida yengildi.
