Chorshanba oqshomida Chempionlar ligasi guruh bosqichining 2-turida «Barselona» safarda «Portu» ustidan 1:0 hisobida g‘alaba qozondi.

O‘yindan so‘ng Portugaliya jamoasi bosh murabbiyi Serxio Konseysau hakamlikdan noroziligini bildirdi.

«Men allaqachon flesh-intervyuda aytib o‘tdim. Bilmayman, uch yoki to‘rtta bahsli qaror bor edi [hakamlarning «Portu»ga qarshi harakati].

Biz faqat bitta klubga qarshi o‘ynaganimiz yo‘q...», - dedi Konseysau.

Chempionlar ligasi guruh bosqichining 3-turida «Portu» safarda «Antverpen»ga qarshi bahs olib boradi, «Barselona» esa «Shaxtyor»ni qabul qiladi. Uchrashuvlar uch haftadan so‘ng bo‘lib o‘tadi.