Osiyo o‘yinlarining bugungi kunini karatechilarimiz muvaffaqiyatli boshlashdi. -55 kg vazn toifasida ishtirok etayotgan O‘zbekiston terma jamoasi a’zosi Sevinch Rahimova finalga chiqishga muvaffaq bo‘ldi.
Hamyurtimiz dastlabki bosqichda tailandlik Sirikamonnate Chokprasertgul, chorak finalda xitoylik Jimei Ding, yarim finalda esa janubiy koreyalik Suxyun Xvangni ishonchli hisobda mag‘lub etib, final yo‘llanmasini qo‘lga kiritdi.
Rahimova bugun kechki dasturda oltin medal uchun Xitoy Taipeyi vakili Sui-Ping Ku bilan jang qiladi.
