Madridning “Real” klubi transfer kampaniyasi uchun potensial nomzodlarni ko‘zlamoqda va shunday futbolchilardan biri hozirda “Milan”da o‘ynayotgan nemis himoyachisi Malik Tshau. Qolaversa, jiddiy jarohat olgan Eder Militao yo‘qligi inobatga olinsa, transfer qishda amalga oshishi mumkin.
Ispaniyaning Fichajes.com nashri xabariga ko‘ra, "Real Madrid" nemis futbolchisi uchun yigirma million yevrogacha to‘lashga tayyor. Avvalroq Tshau Germaniyaning "Shalke" jamoasida o‘ynagan. "Real Madrid" Ispaniya chempionati turnir jadvalida birinchi o‘rinda bormoqda.