Vengriya terma jamoasi bosh murabbiyi Marko Rossi Litva terma jamoasiga qarshi bo‘lib o‘tadigan Yevropa chempionati saralash o‘yinidan oldingi umidlari bilan o‘rtoqlashdi.
«Futbol har doim bugungi kun bilan bog‘liq, kecha nima bo‘lganidan qat’i nazar, biz litvaliklar bilan uyda qanday futbol ko‘rsatgan bo‘lsak, hozir o‘sha natija haqida qayg‘urmasligimiz kerak.
Albatta, o‘tgan natijalardan xulosa chiqarishimiz kerak, lekin biz o‘z oldimizga qo‘yilgan vazifaga e’tibor qaratamiz. Maqsadimiz Litva bilan mehmonda yaxshi natijaga erishish», - dedi Rossi matbuot anjumanida.
Bugun, 17-oktyabr kuni saralashda guruh bosqichining sakkizinchi tur o‘yinlari bo‘lib o‘tadi.
