"Milan" himoyachisi Pyer Kalulu yaqin to‘rt kalendar oy ichida o‘z klubiga yordam bermaydi. "Rossonerilar" matbuot xizmati xabariga ko‘ra, himoyachi son suyagi mushagining payi yorilishi tufayli shuncha muddatga safdan chiqqan. Jarohatdan keyin futbolchi operasiya qilindi.
Eslatib o‘tamiz, fransiyalik futbolchi A Seriyaning yaqinda “Napoli”ga qarshi o‘yinida jarohat olgan edi – bu o‘tgan yakshanba, 29 oktyabr kuni bo‘lib o‘tgandi. Himoyachi Elif Elmas tomonidan qo‘pollik qilinganidan keyin o‘zini noqulay his qildi. Avvaliga futbolchi maydonga o‘tirdi, keyin esa o‘yinni davom ettira olmasligini ko‘rsatdi. Uning o‘rniga Marko Pellegrino tushdi.
