"Aston Villa" yarim himoyachisi Duglas Luis "Arsenal"ning transfer maqsadi bo‘lib qolmoqda. Biroq, London klubi uchun yanvar oyida bu kelishuvni yakunlash qiyin bo‘ladi, deb yozadi Caughtoffside nashri.
Gap shundaki, 25 yoshli braziliyalik futbolchi Birmingemdagi jamoaning muhim qismi hisoblanadi. Bitim amalga oshishi mumkin bo‘lgan minimal narx - 60 million funt (deyarli 70 million yevro).
2023/2024 yilgi mavsumda Duglas Luis 22 ta o‘yin o‘tkazdi. Ularda braziliyalik yarim himoyachi oltita gol urdi va to‘rtta golli uzatmani amalga oshirdi.
Ayni damda “Arsenal” Angliya Premyer-ligasida peshqadamlik qilmoqda.
