Bir kun avval «Barselona» sensasion tarzda «Jirona»ga yutqazdi (2:4).

«Ko‘k-anorranglilar» nihoyatda ishonchsiz o‘yin o‘tkazishdi. «Barsa» himoyachisi Ronald Arauxo raqibiga hurmat bajo keltirdi.

«Albatta, biz himoya haqida ko‘p gapiramiz, lekin bu nuqtani butun jamoaning o‘yiniga bog‘lash kerak, chunki umumiy pressing juda muhim. Agar to‘p sizdan olib qo‘yilsa, bu har doim juda yoqimsiz natijalarga olib keladi.

«Jirona»ni ajoyib jamoa demasdan ilojim yo‘q. Turnir uzoq davom etadi va bu jamoa musobaqada g‘alaba qozonish uchun barcha fazilatlarga ega», dedi Arauxo.